toki! mi jan Aliki. mi jan soweli tan ma Pasila, mi pali e sitelen! tenpo ni la, mi pali e lipu sitelen pi nimi Two Halves. lon insa pi lipu la, akesi meli li kama olin e soweli mije. sina lukin e lipu sitelen Two Halves la, mi pilin pona mute a!
jan Aliki:
- toki Inli la, o kepeken e nimi She/They
- toki pona la, o kepeken e nimi jan anu akesi
- tenpo sike suno 23
- telo loje insa li O+
- li ken toki e toki Inli e toki Potuke e toki pona
- li kama sona e toki Tosi e toki Nijon e toki luka pi ma Pasila
ijo ni li pona tawa ona:
- lipu Wings of Fire (o lukin!)
- musi Rain World (o musi!)
- pali moku
- pali sitelen
- pali toki pi ilo nanpa
- sona pi toki ante
- sona pi nasin nanpa
- leko pi jan Rubik
- musi pi kalama musi
- ma ni li jo ala e suli la, mi ken pana e ijo ale ala
mi pana e sona ni tawa sina: jan Aliki pi ma lon en akesi Aliki pi lipu sitelen mi li sama ala. mi la, ni li sona pona pi jan ale, taso mi wile e sona ante la, mi pana e sona ni.
ni li ijo ante pi mi (jan Akesi) en akesi Aliki: akesi Aliki li meli tonsi, taso mi li meli ala li mije ala. toki inli la, ona li kepeken e nimi She/Her taso. mi kepeken e nimi She/They. lawa mi la, mi lon poka pi nimi meli, taso tonsi mi li suli ala. akesi Aliki la, meli li wawa li suli mute. mi la, ala. ken la, mi ken meli, taso lon la, mi jan Aliki taso.
akesi Aliki li mi sitelen. soweli Taku li mi sitelen kin, taso tenpo ni la, ona li mi sitelen pi pona ala. tenpo pi lon ala pi akesi Aliki la, soweli Taku li mi soweli. tan ni la, lon mi li kipisi. kipisi nanpa wan li lon soweli Taku, kipisi nanpa tu li lon akesi Aliki. tenpo mute la, akesi Aliki li pilin tan insa mi li wile mi. soweli Taku la, jan ante li lukin e mi la, ona li lukin e soweli Taku.
ni la, lipu sitelen mi li toki lon olin pi jan sama anu seme?
mi... mi sona ala.
mi la, toki ni lon toki pona li pona mute ala. sina pilin nasa la, o lukin e lipu ni lon toki Inli. mi pakala!
